La fin da quest onn va in chapitel a fin: Lura terminescha Angelica Cavegn Leitner (64) sia lunga carriera en la politica da la citad dad Aarau. 24 onns è ella stada activa – l’emprim en il Cussegl grond da l'Argovia, suenter anc en la suprastanza da la citad dad Aarau.
Anfang Bildergalerie
Bildergalerie überspringen
-
Bild 1 von 2. Viver en in tiny house – per Angelica Cavegn Leitner ha quai er avantatgs. Ella po uschia adina esser datiers da sias biadias. Bildquelle: RTR.
-
Bild 2 von 2. Suenter la carriera politica spetgan autras activitads. Bildquelle: RTR.
Ende der Bildergalerie
Zurück zum Anfang der Bildergalerie.
En il Profil guardain nus enavos sin ina carriera che ha manà la dunna da 64 onns plitost casualmain en la politica. Nus discurrin dals plaschairs da dastgar viver gist en la vischinanza da las duas biadias – e quai en in uschenumnà tiny house. E nus tradin, pertge che la famiglia mira plitost cun egls critics sin il project che Angelica Cavegn Leitner vul prender a mauns sco proxim.